الخميس، 4 فبراير 2010

تخاطيف

ساعات كده الاقى الناس قفشت منى عشان قالولى حاجات و نستها , أو اتفقت معاهم على حاجة و معملتهاش , أو واحده صاحبتى تحكيلى على مشكلة و تيجى تكملى الحكاية تلاقينى و لا كأنى سمعتها قبل كده , و الاكثر انتشارا أن أبقى بتكلم فى موضوع و أقعد أقطع , و أسرح و أسهم كده مع نفسى و دى حاجة بتبقى بارده اوى بالذات لو اللى قدامك متلهف عاوز يعرف الموضوع اللى أنت بتحكيه ....... هو بجانب أنه زهايمر مبكر , فى مشكلة تانية .. و هو ان دماغى مش بتوقف ثانية ... وشششششششششششش ( ده الصوت اللى جوه دماغى ) ... قبل ما أنام و انا قاعدة ع السرير كده , قلت ح أكتب كل حاجة بتيجى فى ذهنى بسرعة ( بتيجى فى ذهنى كأنها فلاش كده مش لازم تكون مرتبطة بموضوع معين ) , و كانت النتيجة : مكتبة أكمل - شريعة القطة - فيفى عبده - محل الجزم اللى فى جليم - شارع فؤاد - البن البرازيلى - معرض الكتاب - شقة نانا - ودنى بتوجعنى - ضوافرى - النوم - بكره - طنط ماجده - جاكيت - جيزويت - محمد منير - العين السخنة - المدونة - المستشفى الألمانى - دارك شوكليت - الجو ساقع ....... فى أقل من دقيقة و نص...
محدش يزعل بقى ..
..

هناك 7 تعليقات:

Unknown يقول...

هههههههههههههه

شبه بتحكي عني مع فارق اني اكسل من اني اكتب قائمه:)

Magi Mostafa يقول...

مش هنزعل ولا حاجه عارفينك لاسعه واذا كان على الزهايمر فده صديق الجميع
ملحوظه
انا عايزه شكولاته

غير معرف يقول...

انا فرحان جدا ، لأن اللسعان ده اساسي في الجينات الوراثية بتاعة العائلة الأصلية ، لكن بصراحة انت بتمثلي مستوي عالي و غير مسبوق من اللسعان لأنك بتثبتي نظرية جديدة ، ان العقل البشري أصلا متركب عليه خلاط مولينكس ، وبكده الواحد يقعد يفكر و هو مشغل الخلاط و بعدين يشرب عصير الأفكار
واحشاني ياعفريتة
عمك الباحث عن قطع غيار للخلاط القديم علشان يعرف يفكر بالسرعة المناسبة

سارة نجاتى يقول...

مياسى
ههههههههه
كتبتهالك أنا خلاص

سارة نجاتى يقول...

ماجى

مش أنتى اللى عليكى الغدا يا بت هههههه

سارة نجاتى يقول...

عمى بتاع المولينكس

على فكرة أصلا زعلانة منك يعنى
فينك؟؟
و لا بتسأل و لا حاجة خالص

بالنسبه للجينات الوراثية
أبقى أقولك بعدين عشان البلوج متراقب ههههههه

منور

Unknown يقول...

مكتبة اكمل انا بروح هناك كثييير
:-)
بس معرفتنيش ليه؟!
هههههههههه