الخميس، 29 أكتوبر، 2009

الملصقات الدينية

فى السنوات القليلة الماضية , انتشر نوع من الملصقات ذات طباعة فاخرة و تنوع , على جدران و حوائط المبانى و المنازل و بوسائل المواصلات , و حتى داخل الهيئات الحكومية و الخاصة و هى ملصقات ذات طابع دينى. هناك ما يجمعها فى الظاهر من قواسم مشتركة , و هناك ما يميز ملصق عن أخر من حيث الهدف منها , و اتضح لنا أن الهدف يختلف باختلاف المكان الذى تنتشرفيه هذه الملصقات , بمعنى أن أكبر صور الاختلاف تظهر بين الملصقات الدينية الموجودة داخل الجامعات الحكومية و الملصقات الموجودة بأى مكان أخر سواء وسيلة مواصلات أو حتى فى الشارع . *المشترك بين الملصقات الجامعية و الملصقات الدينية خارج الجامعية : 1) الملصقات العامة . و الموجهه لأى مسلم كان , تحث على ذكر الله و الاستغفار , أو تذكر ثواب صوم رمضان و فضائل الشهر الكريم – و هو امر لا تحفظ عليه على الاطلاق – 2) العنف و الترهيب.
العنف و الترهيب الموجه فى هذه الملصقات من خلال الصياغة أو بعض الصور و الرسومات التوضيحية , أو فى التعليقات المكتوبة بخط اليد فوقها من قبل المارة . مثال : صورة لمومياء تتوسط حروف موسيقية من جهة , و حول هذه الحروف نيران , و فى الجهة المقابلة القرأن الكريم . 3) الحث على الشكليات . الحث على الالتزام بشكليات التدين مع اغفال الجانب الخاص بالأخلاق و المثل العليا مثل ( الكذب – النفاق – الرشوة – احترام الكبير ) و هو ما يتضح فى الحديث عن الزى الشرعى أو أدعية دخول الخلاء أو حكم القسم بغير الله . مثال1 : من حلف بغير الله فقد أشرك . مثال 2: كان الرسول (ص) اذا دخل الخلاء قال : اللهم انى أعوذ بك من الخبث و الخبائث . 4)الابتعاد عن النص المقدس: عدم الاعتماد على النصوص القرأنيه – فى اغلب الأحوال – بل على الأقوال المأثورة أو المؤلفة , أو أبيات شعرية , يليها الاعتماد على الأحاديث الشريفة . مثال1 : يا من بدنياه اشتغل و غره طول الأمل الموت يأتى بغته و القبر صندوق العمل مثال 2 : بلادى لن تموت و اسلامى سيسود و الخط سميك فى كلمة " سيسود " * ما تختلف فيه الملصقات الجامعية: · من خلال رصدنا ل 24 ملصق ( أى أن كل ملصق نموذج يختلف عن الأخر , و قد يتكرر من الواحد المئات ) , وجدنا أننا اذا استثنينا منهم الملصقات العامة, نجد أن الملصقات الموجهه للفتيات تصل ل 11 ملصق و أن عدد الموجه للفتيان لا يتعدى الاثنين . 1) الذكور لا يخطئون : معظم الملصقات الخاصة موجهه للفتيات , و يصل عددهم فى الطابق الواحد بأحد المبانى الجامعية الى ثلاثة و أربعة كحد أدنى . مثال1 : ليكن حجابك و صورة لامرأة ترتدى الخمار ملحوظة : مكتوب على هذا الملصق بخط اليد "فكيف يكون حالنا عند الموت ؟ " + هو ده الحجاب غير ذلك لا تحسب عند الله (بخط اليد أيضا ) . مثال 2: لبس البنطلون للمرأة لا يوافق الشرع لعن الله المتشبهين من الرجال بالنساء و المتشبهات من النساء بالرجال . 2) الملبس أولا : معظم الملصقات المخاطبة للفتيات تتحدث عن اللباس الشرعى , على الرغم من أن الأغلبية بالفعل محجبات , و المثال التالى يوضح ذلك بالاضافة للعنف الفكرى الذى أسلفنا ذكره : مثال : الأخت غير المحجبة . أنت سهم فى جعبة الشيطان .... و فتنة لأهل الايمان و سيفا فى يد الأعداء .... أحذرك القبر و ظلمته .... اركبى يا اختاه قطار التوبة قبل أن يرحل عن محطتك .... أختاه خافى من الله العذاب .... و تذكرى يوم الحساب 3) النقاب : و هناك حضور مكثف أيضا للملصقات التى تفرض النقاب و ترى أن الحجاب تبرج . و لدينا مثال " ملصق لأربعة فتيات الأولى منتقبة : و مكتوب تحتها " الحجاب الشرعى " الثانية ترتدى الخمار : قد يقبل من المسلمة و هو قول ضعيف الثالثة ترتدى حجاب و بنطلون و الرابعة ترتدى حجاب و جيب , و مكتوب تحتهما : قال تعالى " و لا تبرجن تبرج الجاهلية الأولى" , و (من هنا نبدأ و فى الجنة نلتقى ) ملحوظة : مكتوب بخط اليد على الملصق ( لا للتأليف و الفتوى ) 4) التكرار : نلاحظ أيضا تكرر نفس الملصق أكثر من مرة فى منطقة محدودة , أى أنه لا يخلو طابق دون ملصقين على الأقل للزى الشرعى , و لا تخلو حوائط درجات السلم من ملصق عن حكم التعطر فتستطيع أن تراه الى ثلاث مرات فى الدورين مثال : ( المرأة المتعطرة أينما امرأة استعطرت , فمرت على قوم ليجدوا من ريحها فهى زانية ) 5 )و ملصق للفتى : هناك نوعان من الملصقات للذكور , أحدهما عن التدخين , و الأخر عن حكم مصافحة النساء , و أعتبر أن الأخير غير موجه للفتيان بشكل خاص , لأنه فى النهاية يتضمن علاقته بالفتيات و أن مصافتحها حرام . و وجدنا أنه فى مبنين يتكون كل منهما من خمس طوابق, لا يوجد سوى ملصقين ينهيان عن التدخين ( أى أن فى المبنى كله لا يوجد سوى ملصق واحد لا يتكرر ) مثال1 : السيجارة لا تصاحبها فى الدنيا مثال2 : و يتكرر بشكل أكثر نسبيا ملصق مصافحة النساء ( انى لا أصافح النساء ..... لأن يطعن فى رأس أحدكم بمخبط من حديد خير له من أن يمس امرأة لا تحل له ) و فى التعليق على هذه الظاهرة يقول الدكتور "صفوت العالم" الأستاذ بكلية الاعلام جامعة القاهرة : الجامعات المصرية تفخر بأعداد الطلبة داخل جدرانها , و أنها يدرس بها 200 ألف طالب , و لكن هل يوجد بالفعل أنشطة حقيقية تملأ فراغ هذا الكم من الشباب؟ فالأنشطة الموجودة لا تملأ فراغ ثلاثة أو أربعة ألف طالب , فلا يجد ما يفرغ طاقته فيه , و الشاغل الأول للطالب رجولته التى ادركها و لا يمارسها , و للطالبة أنوثتها التى أدركتها و لا تمارسها . و لكن الوازع الدينى يمنعه , و الشباب الاسلامى القادم من القرى و الأحياء الشعبية ليس له الا دينه , و عندما يفاجىء بالاختلاط الذى ينتج عنه مشاكل سلوكية عجيبة بالحرم الجامعى , يتجه عن رفضه لهذا الاختلاط بتلك الملصقات . أما الدكتور "جمال أبو شنب " , أستاذ علم الاجتماع كنج مريوط , فيفسر الظاهرة كالأتى : فى مراحل الخلل الاجتماعى و حدوث ضغوط اقتصادية , يكون الدين هو الملجأ للناس من خلال التمسك بشكلياته , و القائمون على انتاج و طباعة هذه الملصقات هدفهم ليس دينى بالمقام الأول , لذلك لا يخاطبون الجانب الأخلاقى لدى الطلبة , فهم هدفهم دنيوى أكثر منه دينى من خلال التأثير على عقول هؤلاء الشباب , و لا يقتصر نشاطهم على الملصقات الدينية بحسب , بل أيضا لهم برامج أخرى , مثل الرحلات و غيرها , كما ان الأنشطة الجامعية لا تستوعب الطلبة و لا يوجد حوار مستمر معهم . أما عن ان معظم موضوعات الملصقات موجه للفتيات فيعوز هذا الى : من المعروف أن الحدود لللفتيات أضيق , فيكون التوجه اليها أسهل , كما ان استجابة الفتيات تكون أعلى من الشبان . و عن العنف الفكرى فى الملصقات يقول : العنف فى المجتمع ظاهرة غير اخلاقية لأن الأخلاق تهذب فكر و سلوك الأفراد , فطالما ارتبط العنف بمراحل التخلف الأولى , و لعدم وجود رؤية واضحة و غياب اليقينيات فى الدين يلجأ الأفراد للعنف فى عرض أفكارهم , فأصبح لا يوجد أى مدخلات معرفية للشباب سواء من خلال الأسرة أو المؤسسات التعليمية . أما الدكتور جلال عبد الخالق , نقيب الاجتماعيين , فأول ما وصف به هذه الملصقات أنها : مسيسة , أى لها بعد سياسى واضح من قبل الجماعات التى تقوم بكتابتها و توزيعها , و لكن لا بد أن نسال أنفسنا أولا , لماذا الملصقات ؟؟ , المؤسسات التربوية أصبحت هزيلة و بغياب دورها يتدخل أى شخص للقيام بهذا الدور عوضا عنها , فالمؤسسة التربيوية الأولى و هى الأسرة لا تقوم بدورها كما ينبغى , و يتلقى معظم الشباب أفكارهم و مبادئهم من أصدقائهم , أو حتى من الشارع , و بهذا يكون أول وسيط تربوى لدينا لا يؤدى دوره . ثانيا :المدرسة , فكانت فى ما مضى هى مؤسسة ذات دورين : تربوى و تعليمى , و تلاشى الدور التربوى , و مع الوقت تلاشى أيضا التعليمى , أى أن العملية التربوية الأن أصبحت تتم خارج أسوار المدرسة . و الجامعة امتداد للمنظومة التربوية التعليمية , و لكنها أمعنت فى اهمال دورها فى هذا الشأن , حتى الاعلام أصبح يصدر فن هابط و ردىء و يحتفى به , فى ظل كل هذا الفراغ لدى الطالب , يكون غزو عقله من اسهل ما يكن , و أسهل طريقة للوصول اليه هو الملصق , و هى وسيلة ناجحة جدا , فهو كوسيلة اختراق سريعة, يعد غير مكلف و ليس له عواقب , فان أتى بنتيجة , يطبعه منه المزيد , و ان لم يات بالنتيجة المرجوة , يحاولون تجديده و جعله أكثر جاذبية . أما عن مضمون الملصقات نفسها , فيستطرد الدكتور جلال قائلا : بالنسبة للحث على الشكليات , لو القائمون على صناعة هذه الملصقات خاطبوا الجانب الأخلاقى للدين و حثوا على الأساسيات , مع الوقت سيحققوا الشكليات , فلاشك أن الاهتمام بالأساسيات يدعم الشكليات , و لكنهم يصرون على مخاطبة الشكليات بدافع الاستسهال , فالأصعب أن تقول له ارفض الرشوة , أو احترم الكبير . أما عن التركيز فى خطاب هذه الملصقات على الفتيات : هذا لأن الثقافة المجتمعية ترى أن الفتاة هى مصدر الانحدار الأخلاقى سواء فى البيت أو الجامعة أو الشارع , فلو أنها حميت نفسها لن تساعد الشاب للوصول لهذه الدرجة من الانحراف , و بالفعل الفتاة لها دور كبير فى وضع حدود لعلاقة الشاب بها , و لكن الملبس وحده لا يحقق هذا لأن الدراسات أثبتت أن المحجبات يتعرضن لنفس نسب التحرش التى تتعرض لها غير المحجبات . أما عن سبب الاقلال من الاعتماد على النصوص القرأنية , فذلك جزء من جماليات الاعلان , فالسجع و الأقوال المأثورة يكونان لهما عامل جذب عن الأيات القرأنية , لأن المتلقى ممكن ان يكون استمع لهذه الأيات او قرأها عدة مرات , و لم يكن لها أى تأثير عليه , و لكن من خلال تبسيط اللغة و تطويرها قد يلفت الانتباه أكثر . *** لم نطرح الأمر للتندر به , أو لرفضه , بل كمحاولة منا لتفسير ما يتعلق بهذه الظاهرة و التى لها أبعاد أخرى اجتماعية و نفسية و دينية , فأحكام الدين لا تخاطب النساء فقط , و ليس قوامها العنف أو الترهيب , و لا تهتم بمظهرنا أكثر من سلوكياتنا و أخلاقنا , اذن هل نعتبر هذا دين الملصقات ؟؟ أم أنها ليست الا صوت ديننا فى الجامعات و المواصلات و الشوارع ؟؟.

هناك 23 تعليقًا:

Che يقول...

الله على البوست يا سارة ... دراسه محترمه و فيها كل شروط الدراسه .. بجد احيكى على البوست ده
نيجى لموضوع البوست نفسه ... انا مقدرش انكر انه فيه عدد كبير من الناس بتحاول تكسب ثواب فينا ، و ده شئ انا معنديش اعتراض عليه ... بس انا مضطر افكر شويه بنظريه المؤامره ... يعنى كل بناء اجتماعى فى العالم مكون من طبقات ... الملصقات دى بتتم بواسطه قاعده البناء الاجتماعى ده ... بس كل ما نرتقى شويه فى البناء الاجتماعى هتلاقى الدوافع بتختلف ... يعنى عند القاعده هو وسيله لكسب رضا الرب و نشر المبادئ الاسلاميه .... بس فى الطبقات الاعلى هتلاقى انه محاوه لتغيير فكر المجتمع و خلق حاله من الوعى العام الجديده اللى بتتناسب مع الاجنده اللى عند الطبقات دى و انا من حكم معاشرتى لناس كتير جدا اقدر اقولك ان الدين يعتبر اخر حاجه فى القائمه او الاجنده دى
و للسبب ده انا بكون معترض على الموضوع ده ... مش عشان انا مثلا فسدان ... انما عشان الاغراض اللى ورا الدعوه دى
و اخيرا ... الطريق للجحيم مفروش بالنوايا الحسنه
معلش ان التعليق طول منى شويه يا سارة

أميرة علي كوكب مهجور يقول...

انا موافقة ع كل حاجة اتقالت في البوست ده وبجد مش بفهم الناس اللي معتبره البنت فتنه المجتمع طيب ما المحجبات وكمان المنقفبات بيتعرضوا لتحرش والمعاكسات زيهم زي غيرهم ده حتي التحرش وصل للاطفال و العجائز دول بقا كانوا لابسين ايه!!!

مجتمع فاشل وكله بيعلف غلطه ع التاني ويتهمه انه السبب


انا نفسي نسيب شوية اللي لبست واللي اتحجبت ونشوف الناس اللي مش لاقيه تاكل ومش لاقيه حته تلمها وتعيش فيها


نفسي مرة كل واحد يبقا في حاله ومركز في علاقته بربنا وميحكمش ع غيره لانه متخلقش علشان كده اصلا ربنا هو اللي عارف عباده وعارف مين القريب ومين البعيد

Zika يقول...

انا بقالي ربع ساعه باكتب في تعليق وايدي جت غلط على زرار وضيع كل اللي انا كنت كاتبه .. حاسس اني عايز اكسر اللاب

Che يقول...

ههههههههههههه .... حبيبى يا زيكا

غير معرف يقول...

اولا ارجو سرعة الأتصال بجدتك لترقيك من الحسد لأنه بوست ممتاز وبعدين انا بأسجل اعتراضي علي توقفك لفترة طويلة ، لازم تكتبي كل يوم و الثاني علي اختيارك للموضوع لأنه دخول مبكر الي عش الدبابير، فانا خايق عليكي من الناس اللي ورا الملصقات
عمك من اعماق الأعماف العميقة

سارة نجاتى يقول...

تشى

هو طبعا فى قدر كبير من القصدية يا عمرو
و خاصة أن الدين دعوة أرقى من أننا نلزقها ع الحيطان
و خد راحتك يا باشا

سارة نجاتى يقول...

أميرة على كوكب مهجور

انا نفسي نسيب شوية اللي لبست واللي اتحجبت ونشوف الناس اللي مش لاقيه تاكل ومش لاقيه حته تلمها وتعيش فيها


موضوع مهم جدا جدا , متفقة معاكى تماما

سارة نجاتى يقول...

زيكا

و أنا ذنبىة ايه , اكت التعليق تانى و بعدين كسر الاب براحتك هههههههههه

سارة نجاتى يقول...

عمى يا عمى ياللى رافع معنوياتى

ما المثل بيقولك الغزال ( اللى زيى ) فى عين عمه غزال برده هههههههههه

دبابير مين يا هم , ده احنا اللى خرمنا التعريفة أنت متعرفش و لا ايه؟؟

micheal يقول...

يعجبني فيكي يا نجاتي أنك بتفصصي الموضوع صح أوي..بتمكسي كل الزوايا الممكنة وتديها حقها في المناقشة العقلانية
بصي يا ستي عن نفسي أتمنى أمشي في الشارع أو أركب أي مواصلات أو أروح أي مكان ومشفش أي شعار من أي نوع سواء ديني أو سياسي أو حتى بيب بيب أهلي
أصل دي في النهاية ملكية عامة فليه أقعد أحط على كل حيطة منشور
مش مكانه الكلام ده
تحياتي

بدراوى يقول...

لا تعليق
هو مفيش اى فورمات يا بنتى
حرام كدة
مش عارف اقرا
بجد شىء متعب
انا قولتلك الطريقة قبل كدة
و مش حقولها تانى
و اجى على نفسى و اقرا
عشان خاطرك متنتظريش منى كدة تانى

بدراوى يقول...

موضوع جميل
و ان كنت مختلف مع بعض ما فيه

لكن مين اللى قال
الأغلبية بالفعل محجبات
لو قصدك الحجاب الإجتماعى ده
يبقى مفيش محجبات
و اختصار الحجاب فى قطعة قماش على الشعر بينما باقى اللبس غير محتشم
ميعتبرش حجاب اللى عاوزه تتحجب تتحجب صح اما كدة يا متلبسوش عشان متبقاش محسوبة محجبة


وانا معترض على اى ملصقات تتحط لان ده مش مكانها
لكن لو حنحلل مضمون الملصقات حنلاقيهم عندهم بعض الحق لكن مش عارفين يقولوه بصيغة اكثر ترغيباً و حسناً و رحمة

بس معظم واضعى الملصقات من التيار اللى قناة الناس تعبر عنه و اللى انا ضد طريقتها .

سارة نجاتى يقول...

بدراوى

و اللع عملت اللى قلت عليه بخصوص الفورمات
مفيش حاجة بقه غير أنه بسبب الاكسبلورير نفسه زى ما زيكا قال قبل كده

و متشكرين يا عم على القراءة رغم الصعوبات
بالنوسبه للملصقات فأنت موقفك متناقض حبه , يعنى منين أنت مع مضمون اللى بيقولوه و منين أنت ضد التيار بتاعهم اللى انت بتعتبره بتاع قناة الناس ؟؟
و حتى لو مش ده شكل الحجاب المفروض و أنا متفقة معاك فى ده تماما
بس هل أنت شايف أن هو الدين نزل بالحجاب بس
أنا لو واحدة هندوسية و جايه مصر لأول مرة و معرفش حاجة عن الاسلام
ح أقول أن المسلمين معندهمش مشاكل غير الأغانى - الثعبان الأقرع - شكل الحجاب

بينما احنا كمسلمين عندنا فواجع و مصايب أكبر بكتييييييييييير
كفاية الفتاوى اللى بيطلع بيها المشايخ دى

معلش تعبتك معايا ومنورنى و الله

magi يقول...

ساره حبيبتى
عارفه انا موضوع البوسترات ده كان منرفزنى من زمان فى وشى فى كل حته فى المدرجات حتى على ابواب المعامل وكل البوسترات الى عندنا بتاعت الحجاب قبل الحساب الى اخره ده مشفتش غير بوست واحد للسجاير والعيال شالوه ...اشمعنى بقى
يمكن الى بينرفزنى اكتر اللهجه ذات نفسها خصوصا البوستر بتاع المنقبه والى لابسه خمار والحجاب مع الجيبه والبنطلون -فى واحد متعلق على باب عمارتنا ابقى فكرينى اشيله-
واظنى متفقه مع مايكل مش من حق حد يعلق بوسترات او ملصقات او اى شئ على ملكيه عامه

بدراوى يقول...
أزال المؤلف هذا التعليق.
بدراوى يقول...

طب ما انتى شايفة بوستاتى
كلها متفورمة - الفعل بتاع فورمات
:-)
ازاى
و لا على رأى احمد حلمى هى الدنيا شتت على بدلتى انا بس
هههههههههه

واضح ان المشكلة فى البدلة قصدى المدونة مش فى الإنترنت اكسبلورر

ابقى جربى تانى و حتوصلى
الموضوع بسيط جداً

اما بخصوص تناقضى
هو مش تناقض خالص
هو مجرد اختلاف فى الطريقة و بس
كلامهم فيه بعض الحق لكن طريقته قوله طريقة مش بحبها

غير كدة فيه اولويات زى ما انتى قولتى
فى مشاكل المسلمين و الدين مش حجاب بس
اه
بس ده لا ينفى ان ترتيب الأولويات لا يعنى رفض اشياء اخرى
او بمعنى اصح مش معنى انى بتكلم فى كذا و ان المفروض مشاكل المسلمين اكبر من كدة
ان كلامى غلط او كلامى مش صح

معلش سؤال فضولى شوية
بس لو مش عاوزه تجاوبى براحتك

هو التقرير او التحقيق ده نًُشر فى جرنان ايه ؟!

و اسف على فضولى البايخ

و ابقى ردى على مايكل ده صاحبى على فكرة و هو اللى عرفنى على مدونتك
---
التعليق فات هو التعليق ده برده
بس شلته عشان غلطات كى بوردية

سارة نجاتى يقول...

مايكى يا مايكى

شكرا يا باشا , متعلمين منك
و عندك حق دى ملكية عامة , بس الحل مش نمنعها , الحل نلعب فى كيميا دماغ الناس نفسها بحيث لا حد يحطها و لا الناس تتقبلها من نفسهم كده

منورنى يا فندم

سارة نجاتى يقول...

ماجى

لا أوعى تنسى تشيليه
بصى غيظيهم و حطى عليه صورة لتامر حسنى , و ياريت لو بتاعت الألبوم الجديد عشان دمه فيها تقيل أوى ههههههه
لأ أصلها حاجة تضايق , يعنى انتى لما تبقى محجبة و تلاقى حد كاتبلك أن ده تبرج و أن الحجاب هو النقاب يعنى

منورانى يا هانم

سارة نجاتى يقول...

بدراوى باشا

ربنا يكرمنا يا بدراوى فى المدونة دى أنا برده مضايقنى موضوع الفورمات ده بس على يدك أهو

ما هو أنا كمان معنديش تعليق على مضمون الكلام ده يعنى أنا مش بناقش
" النقاب فرض ولا لأ ؟ "
" و السجارة حلال و لا حرام "
دى مش مشكلتى
مشكلتى المنهج المتبع
مشكلتىأعرف ليه القضايا دى ( و بس ) هى اللى على الساحة و لو أن من باب أولى نعلق على نظام الدراسة فى الجامعات المصرية , معاملة الدكاترة للطلبة , الرشوة و المحسوبية , كل دى حاجات مترضيش ربنا برده و لا ايه ؟؟
و توعية بيها احنا أحوج له جو الجامعة من جو القبور و الجماجم و حكم لبس البنطلون , صح ؟؟

بس بجد بشكرك على المتابعة و التفاعل

تحياتى

أحساس لسه حى...كلام من جوه روح لكل روح يقول...

عزيزتى

اغيب واغيب والاقى الاسلامفوبيا لسه ملازم موضوعاتك

حتى مع المسلمين

شوفى انا بتفق معاكى فى حاجات كتير قولتيها

باختصار

الملصقات دى شئ جميل لانها ممكن تعلم وتنصح الناس فى دينهم وساعات شئ صغير يغير انسان فى حالة معينه

ويمكن الملصق شئ يغير حد

لاكن مش بحبه لما يجيب حديث مش صحيح وكانه امر وصحيح

ومش بحبه لما يركز على حاجات بعينها ويسيب حاجات مهمه فى الدين

يعنى لما الملصق يدعوا للاخلاق عموما بيكون جميل

والادعية برضوا جميلة

بس مهما كان فاننا لانهدى من احببنا الله يهدى من يشاء

وكل انسان بينصح بطريقته وعاوز الخير فى الاول والاخر

حتى لو كان فكره متشدد نعمل احنا الوسط المعتدل

اخر ملحوظه دايمن الملصقات موجه للبنات ومش للاولاد

تقريبا انتم بتشوفوها كده

يعنى السلام باليد موجه للاتنين والبنت تزعل ليه من شئ زى كده ما الرجل يزعل كمان

هو الشئ المختلف بس موضوع الحجاب اللى مش بيتوجه للرجل بس فى حاجات موجه للرجل كتيره وبتوجعه

زى ملصقات الجهاد والعدوان على البلاد الاسلامية

ما ده بيخلى الراجل يحس انه لابس طرحه

على العموم الموضوع حلو

وربنا يهدى الجميع

سلام

سارة نجاتى يقول...

احساس

الموضوع اللى فات عن عيد ميلاد المدونة
و اللى قبله قصة
و اللى قبله قصة
و اللى قبله عن التأمل
و اللى قبله عن حدث ثقافى
و اللى قابله عن السعادة
تقريبا لو مش ملخبطة الترتيب

فين الاسلاموفوبيا فى المواضيع ؟

منور

احساس لسه حى يقول...

سارة

للاسف انا مدخلتش اللى قبله

ولا اللى قبل قبله

ولا اللى قبل قبل قبله

ولا اللى قبل قبل قبل قبله

ولا اللى قبل قبل قبل قبل قبله

انا دخلت على الاسلاموفوبيا

والظاهر فى شئ بيشدنى لاى مدونة بتكتب عن اى تدين زايد فى المجتمع وبيعارضه

او حتى تطرف زايد ميهمش

المهم حظى وحظك وحظ ناس كتير وقدرهم

بس انا مختلفتش معاكى فى كل كلامك

هو انتى شوفتى الاختلاف ومشوفتيش الاتفاق

نخش كمان شهر وربنا يستر بقه

تحياتى

سلااااااااااااام

أميرة علي كوكب مهجور يقول...

ليكي تاج عندي تعالي استليمه :)