الاثنين، 24 نوفمبر، 2008

قيود مفرداتنا

- على فكرة , دى "بتهيس" عليكى , ما كنتش عيانة و لا حاجة , أنا شفتها امبارح فى المول , و كانت زى الجن كمان .
أو
- انبسطنا بس ؟ ده كان يوم "تهييس" من أوله لأخره , رحنا سينما و اتغدينا بره .
أو
- :انت مالك يا ابنى ؟ عمال تضحك على فاضية و المليانة , و ماشى بتطوح كمان ؟
: أصلى "مهيس" شوية
*" تهييس" أو" هياس " , كلمة نستخدمها بشكل يومى , و المتعارف عليه الثلاث معانى السابقة لها , و ان كان لكل منا استخدمات خاصة به , أى أن الأمر به قدر من الفروق الفردية .المعنى الأولى بمعنى" اختلاق شىء ما أو الكذب , الثانى بمعنى الاستمتاع , و الثالث للتعبير عن حالة السعادة المبتذلة و التى لا تمر بها سوى الشريحة العمرية التى ننتمى اليها ,و لا تعنى بالضرورة وقوعنا تحت تأثير مخدر ما , و لكنها فعلا حالة طبيعية , كما تصفها صديقة لى " دى دماغ طبيعى " .
هنا تظهر مشكلة محدودية المفردات و عموميتها .
فلماذا نستخدم كلمة واحدة للتعبير عن ثلاث حالات مختلفة ؟؟
بزيادة المستوى الثقافى و االتعليمى و الاجتماعى , تزداد قدرتنا على التعبير الدقيق عن الأشياء , و لأننا أصحاب أرقام قياسية فى نسب الأمية , و الحاصلين على التعليم الأساسى , حتى خريجى الجامعات مروا بمراحل تعليمية عبثية , كانت النتيجة أن السائد فى مفرداتنا ولغتنا هو لغة السائد أيضا , و ما نحن الا جزء من حالة التفاعل اليومى مع الأخرين .
كلامنا اليومى تتحكم فيه بضع كلمات لا نخرج عنهم فى جميع الحالات , منهم " فكس , حوار , تهييس" , من حوالى سنتين شعرت بالحرج عندما وجدت نفسى أتحدث فى حلقة دراسية أو ندوة ما مستخدمة كلمات عامة جدا للتعبير عن أمور دقيقة جدا , على سبيل المثال بدلا من أن أقول :
"البرجوازية " , أقول " الطبقة المتوسطة" .
و على الرغم من معرفتى بالكلمة الا أننى بحكم اعتيادى استخدمت الوصف الغير دقيق .
قد لا تنجح باستمرار محاولاتنا للخروج من قيود ألفاظنا اليومية , لأنك لن تستطيع على مستوى أصدقائك و معارفك , أن تقول لأحدهم مثلا :
" سبب هوسك بالتليفزيون , أنك اعتدت دور المتلقى , مش المتفاعل أو المشارك فى المنظومة الاجتماعية اللى أنت جزء منها "
طبعا توقع ألا تراه ثانيا , لأنك على الرغم من تحدثك بالعامية , قلت له : " متفاعل - متلقى - مشارك - منظومة اجتماعية " , احقاقا للحق "منظومة اجتماعية " وحدها تكفى .
ما سيحدث فعليا هو الأتى أو على الأقل هذا ما سأفعله أنا :
" تناحتنا قدام التليفزيون سببها اننا اتعودنا أنهم بيحشوا لنا المعلومات فى دماغنا , عمرنا ما بنعمل حاجة , بيزغطونا و خلاص , مبقناش عاوزين نتعب فى حاجة "
و على الرغم من اللهجة النقدية الحادة فى الطريقتين , الا أنه سيتقبل الطريقة الثانية .
الحل الذى يبدو فعالا , هو اكتسابنا الحصيلة اللغوية مع الوقت , من خلال القراءة المستمرة , و أيضا من خلال احتكاكنا ببعض المتقاربين لنا فى الاهتمامات , و بالمناسبة أنا من أكثر مشجعى استخدامنا للكلمات الدارجة , و لست ضد تعدد استخدامتها , و لكن لا أريد أن يعيقنى هذا فى كتابة طلب رسمى , أو فى تحضير ورقة بحثية , أو حتى فى الكتابة على مدونتى, و يستغرق منى الأمر ربع ساعة لأجد الكلمة المناسبة , فلو قلت لك " البوست ده مهيس يا مان " , لن أستطيع أن أكتب للالتحاق بوظيفة : " أصلى سمعت ان أنتوا بييس أوى فى المواعيد ".

هناك 22 تعليقًا:

حامد برهام يقول...

أنا سعيد إني هاكون أول من يعلق هنا...عموما أنا بجد معجب بإسلوبك الساخر فيه إحتراف واضح...ونظرة فلسفية غير مقصودة ولكنها واضحة هي الأخري.... علي الأفل عندي فأنا خبير(زي فلفل تمام)في رصد أي شئ فلسفي يحدث أمامي....الألفاظ دي بتقع عندي لما بفكر فيها وفي أول من نطقها ...موضع العجب والتعجب..قد تكون إلي السحر أقرب...وربما أتخيل أن إبليس نفسة جه في شكل راجل عجوز وقال نأخذ منك كل رجل قبيلــ..قصدي وقال الكلمات دي وشرحها في قعدة تحشيش ما كنش ماعزوم فيها من الأساس...وإلي اللقاء في تعليق آخر إن شاء الله

Zika يقول...

والله طريقتك لذيذه اوي يا ساره
المهم بقي
اولا بحييكي علي قوة ملاحظتك
ثانيا
عايز الفت نظرك لحاجه
الكلمات الدارجه دي زي ( حوار - فكس - تهييس - قشطه - بيس - امين - عاش - دايس - فكك )
بتظهر وبتختفي وبتحل محلها حاجات تانيه
يعني من فتره كانت معظم الكلمات الدارجه دي هي ( كحرطه - كوول - طحن - روش ) وهكذا
تعالي شوفي اي حد بيقول كلمه من الكلام ده
اكيد هتبصيله بصه غريبه
وده مصير ومستقبل نفس الكلمات دي
ودي طبعا مش جايه بسبب فراغ في لغتنا
ولكن لعدم قناعتنا بان لغتنا جامده وشيك
دلوقت بنعتبر الانجليزي او اي لغه تانيه
اشيك من لغتنا ولازم نتكلم بيها عشان نبان احسن
تعالي شوفي واحد عامل موبايله عربي - هياخد تريقه للصبح - وهكذا يا ساره دي كلها بتاخد وقتها
وانا عن نفسي شايف ان في كلام عربي ( فصحي ) اوي بدا يندرج تحت بند الكلام ده يعني بدا يدخل في اللغه العاميه علي انه كلام عادي مع انه من فتره كان يعتبر كلام ( مجلس شعب )
..........
كفايه كده بقي انا رغاي اوي
انا لازم اروح لدكتور يعالجني من الموضوع ده

محمد الكومي يقول...

عادي يعني

اللغة ما هي الا تفاعل

و بعدين الكلمات بتبقى من وحي البيئة المحيطة

قريب هنزل بوست عن البذاءات اللفظية

ابقي اقريه

اجندا حمرا + هارت بيت يقول...

ساره الجميله

شوفي ياقمر قاموس الشباب دلوقتي فيه ألفاظ ماكانش حد يسمع عنها زمان و دلوقتي الشباب لما بتحب تتكلم مع بعضها بتستخدم الكلمات دي عشان هي و بس تبقي فاهمه تقصد ايه عشان لو قبحت في الكلام ماحدش يفهم الكلام غيرهم
حتي و الشباب بتصفر كل صفاره ليها كود اه و الله شوفتي بقي

تحياتي ليكي ياقمرايه علي الموضوع المميز

سارة نجاتى يقول...

حامد برهام

أنا أسعد يا باشا , و بخصوص الاحتراف يسمع من بقك ربنا , و فعلا نفسى أعرف من اللى بيطلع الألفاظ افى البداية

و مستنية تعليقاتك يا سيدى

سارة نجاتى يقول...

صديقى زيكا

أنا طبعا متفقة معاك أن الكلمات دى بتظهر و تختفى , بدليل أن قبل كل ده كان فيه " فيش الهوامش " و كلام كان ممكن أمى و أبويا يقولوه برده

بس سبب عدم اقتناعنا بكفاءة لغتنا ده سبب مش مقتنعة بيه أوى , لأن فى أى دولة فى العالم لازم يطلع كلام يتداوله الشباب , المهم بقه لغتنا الأصلية فبن من ده ؟ يعنى احنا لحد دلوقتى بنعمل غلطات املائية و نحوية .


و يا سيدى ارغى , أنا و الله بأنبسط من تعليقاتك و بيهمنى رأيك .

أه , لما تروح للدكتور , ابقى احجز لى معاك و نبى

سارة نجاتى يقول...

كومى , ممكن أكون انا اللى عندى المشكلة , بس أنا مش فاهمة حاجة

ايه اللى عادى ؟ ضعف لغتنا العربية ؟ ولا محدودية مفرداتنا ؟ و استخدامنا لالفاظ جديدة؟

سارة نجاتى يقول...

عزيزتى اجندة

أنا أول مرة أسمع موضوع الصفافير ده , بس كويس أنك قلتيلى برده

استخدام ألفاظ عشان احنا بس اللى نفهمها موضوع غير عملى , لأننا بنتقفش فى النهاية و بتلاقى مصر كلها عارفة الكلام .

بيييس يا جميلة ( ههههههه)

micheal يقول...

والله أنتي اخر تهييس وأنا عن نفسي المادة الخام للتهييس
فحنعمل أحلي كيمياء تهييس
:)
بوست في الجول يا زعيمة
والله نفسي اضمك لحركة احم احم
للمزيد من التفاصيل اسألي نايبتي ايبي هانم
:)
تحياتي

غير معرف يقول...

سبحان الله بحمدخ، سبحان الله العطيم، من شر التفاثات في العقد، ماشاء الله عليكي يا سارة، كتير كتبوا في الموضوع بس انتي كده أخر طربـ يعني اسمها عند التاس المهقدين الي زيي انا و ابوكي امتلاك ادوات التعبيرـ يعني لا ينفصك غير الأستمرار و المداومة علي التطوير و النيلة القراءة وعاوزين شوية انجليزي
عمك و اخو ابوكي اللى جابوكي

سارة نجاتى يقول...

صديقى فى التدوين مايكل

و الله أنا حاسه من الأول أن فى كيمياء , معاك أنت و زيكا .
أما عن حركة احم احم , أنا والله ما فاهمة بتقول عن ايه , بس أنا مع رأى فنان الشعب " شعبولا" أن " الحركة بركة " .

سلام يا جميل

سارة نجاتى يقول...

عمى يا عمى

متعرفش بفرح قد ايه لما بتيجى تعلقك عندى مع أنى عارفة مشغولياتك , بانشكح أوى , و متقلقش لما أكتب حاجات انجليزى , ح أبعتهالك

منورنى كده على طول يا رب

طالب ثانوى يقول...

انتى عارفة يعنى اية تهييس جية من الحشيش وبما ان الانجليز معندهمش حرف الشين صح فبيقولوا على المحشيشين مهسهسين فجت منها كلمة تحشيش او تهييس بقى عندنا زمان كانوا بيعاكسوا كدة لما تبقى فى بنتين يبقوا ماشيين يقولو احلى واحدة اللى فى النص علشان البنت تضحك وكانت لما البنت تتضايق تقول ياسم
بس كدة دلوقت بقى بقى تحرش وقلة ادب سواء من الولاد او البنات

micheal يقول...

ما قولتلك تابعي التفاصيل مع إيبي
:)

prince4ever يقول...

ازيك يا ساره
اولا انا مبسوط اوي اني الاقي اخويا و صاحبي حامد باشا برهام هنا... انتي متعرفيش الراجل ده قيمه كبيره اد ايه... وهو صديق على ارض الواقع قبل التدوين
ثانيا...انا مبسوط جدا من تحليلك الجامد ده... ايه الفلسفه الحلوه دي... بجد نظرة شاملة اوي لحاجه بتمر على تفكيرنا مرور الكرام
بس في حاجه..استخدامك مثلا لكلمة الطبقة المتوسطه بدل البرجوازيه مش حاجه وحشه.. لان الالفاظ من قطعية برجوازيه زي بروليتاريا((الطبقه الكادحه)) او غيرها مش اكتر من رطانه و بيسموا الرطانه ((ديماجيه)) فرنساوي الكلمة دي
فعادي ان الواحد يعبر زي ما هو عايز
بس كمان مره..بحييكي
سلام

حـنــّا السكران يقول...

انت بتوصّلي الفكرة بطريقة جميلة جدا ..و ده بعتبره تهييس عقلي مفيد و جميل .. على رأي مايكل .
ـ على فكرة .. اكتبي في الموضوع اياه اللي علقت عليه عندي .. اكتبيه بطريقتك .. ممكن يوصل أكتر و أجمل من اللي انا كتبته .. و رأيين أحسن من رأي واحد ..
و أدينا بنهيّس يا ستّي .. ههههه

أنا سعيد بالتعرف على مدونتك .
تحياتي .

سارة نجاتى يقول...

فاروق باشا
الطالب فى الثانوية (و كنا بنكمل الكلمة بلفظ لا أنوى كتاتبته على المدونة بصراحة )
أنت متأكد من موضوع مهييسين ده ؟ أصل الانجليز على فكرة عندهم الشين , يعنى بينطقوها, مش غريبة عليهم زى الحاء مثلا .

تحياتى

سارة نجاتى يقول...

برنس

و الله أنا حسيت بكلامك عن عم برهام , من تعليقاتوا و من مدونته برده .
أما بخصوص المصطلحات , كلامك مضبوط , لكن حسب السياق تحدد الدقة
بمعنى , مكش معقول أقول البروليتاريا بتحب تسمع " العنب " لسعد الصغير , لأن على الرغم من رطانة الفظ أنه غير دقيق , لكن لو اتكلمت عن أحداث الغلاء بتاعت 77 أو اعتصام عمال المحلة , ممكن أقول انتفاضة البروليتاريا , و تبقى أدق

و أنا اللى بحييك يا معلم

سارة نجاتى يقول...

حنا فى أول زيارة ...
منور , و مخصوص عشان أنت لبنانى , عشان احنا على فكرة بنحب اللبنانين , مش مجاملة بجد

بالنسبة للموضوع ,أصل أنت اتكلمت فيه كويس أوى , بس و الله ممكن أطلع فيه بأفكار تانية و أكتبه برده .

تحياتى الكتييييييييييرة

kiki يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

ann يقول...

滿...........................

مدونه عيون الويب يقول...

بسم الله الرحمن الرحيم

انا عندى مدونه اسمها مدونه عيون الويب
http://web-eyes.blogspot.com

مدونه خواطر وقصص ومواقف واشعار يعنى تقريبا فى نفس المجال بتاع مدونتكم
لو ممكن نعمل تبادل اعلانى مع بعض ده الايميل بتاعى
medoelbana@yahoo.com
والسلام عليكم ورحمه الله وبركاته