الخميس، 6 نوفمبر 2008

بعد مرور شهر فى عالم التدوين

انطباعاتى عن المدونات و عالم التدوين بشكل عام , ستختلف بلا شك عن أراءكم و انطباعتكم - التى تكونت بعد فترة من التدوين - , لانى أمثل حالة " و شهد شاهد من أهلها " , و فى نفس الوقت أمثل حالة ما قبل "ادمان التدوين" . و لذلك النقاط التالية لا أعتبرها نقد , و انما ممكن تسميتها ملاحظات :

1) على ذكر الادمان , مرة قرأت موضوع على مدونة , قررت قبل التعليق عليه مراجعة شىء معين , دخلت على نفس المدونة بعد أربع و عشرين ساعة , و وجدت أنه تم اضافة تدوينتين جديدتين . متابعة هذه المدونات صعب على , لأنها ليست بالاخبارية فيجب تحديثها مرة أو اكثر فى اليوم , و فى نفس الوقت تحتاج قدر من التفرغ نادر وجوده.

2) البعض يتعامل مع المدونين على أنهم جماعة أو حزب السياسى , مع أن الرائع فى التدوين الفردية التى لا تتحقق الا فى الجماعة , و ليست الجماعة التى يحقق بها الفرد فرديته .

3) نحن نماذج لأفراد مجتمع مختنق مهمش ,- هذا لا شك فيه - لكن هناك من يخلط بين دفتر يومياته الذى لا يشاركه فيه أحد بالرأى أو التعليق و بين المدونة مع أن هناك فارق بسيط بينهما , هذا الفارق يمنع المدون من اشعاع حالة من الاحباط و اليأس بشكل مستمر , محاولات الخروج من سوداوية عالم التدوين قليلة , بالطبع يجب أن نكون صوت أنفسنا و أصوات مجتمعنا , و لكن " الرحمة حلوة" .

4)بعض التعليقات على التدوينات محبط فعلا , هذه التعليقات التى تدخل تحت بند " تسلم ايدك " أو " ربنا ما يحرمنا من صوابعك ع الكى بورد " , لأننا لسنا بصدد طبخة , و هذا يشير الى جانب المجاملة فى التعليقات , لأن "تسلم ايدك " لا تحقق أدنى قدر من التفاعل مع المدون .

5) بمناسبة المجاملة , علينا تقبل النقد بروح رياضية أعلى , حالة التحفز و العدائية اتجاه المنتقد , جعلتنى فى أيامى الأولى من التدوين أنأى بنفسى عن القيل و القال , لما لا نقول أراءنا بصراحة مع الاحتفاظ باحترامنا لغيرنا ؟ ! , لأننا عندنا مدونات أيضا , كما نقول لمن يرمى امرأة باتهام ما " حرام عليك أنت عندك بنات برده " , المدونون يسيرون بنفس المنطق " حرام عليك أنت عندك مدونة برده " .

* الجوانب الايجابية للمدونات كثيرة , و بما أنكم مستمرون فى التدوين , فلا حاجة لى بذكرها , و لكن ممكن فى الذكرى السنوية و عليكم خير .

هناك 27 تعليقًا:

prince4ever يقول...

هههههههههههه
الحمد لله عملت ريدر في المدونه التانيه و مدونتك منوره فيه
عاوز اقول رايي في الموضوع
تسلم ايدك و ربنا ما يحرمنا من صوابعك عالكيبورد
هههههههههههه
انتي بجد عملتي تحليل متميز... اولا انا مبنافقش ولله الحمد...عشان كده زواري مش كتير...بس الحاجه لما تستحق لازم اعبر عن اعجابي بالمكتوب...انتي بجد اثرتي نقطه مهمه..حسيت زيك بالظبط بس مش من اول شهر تدوين لاني مكنتش بتابع مدونات اصلا...بس لقيت واحد صاحبي عمل مدونه في نفس الشهر اللي عملت فيه و اكتشفت كم تعليقات رهيب عنده.. قلت اكيد الواد ده نجيب محفوط جديد عالطريق... اكتشفت ان الموضوع لا علاقة له بالابداع في الكتابه اكتر من انه ابداع في المجامله و النفاق... كان مبدأي ان الحاجه الحلوه لابد و ان تجتذب القراء من غير اي رياء...ان الله لا يضيع اجر من احسن عملا
انا فعلا بشكرك على احترامك لفكرك و مبدأك و اتمنى نكون سوا مدونه نحطها تحت شعار لا للنفاق لا للمجامله و مرحبا بالنقد البناء...
استمتعت جدا بنقدك لقصتي الاخيره و هي دي المساعده اللي المفروض نقدمها لبعض لكي نرقى بالمستوى... خلي كل واحد يقولي انت جميل انت ملكش حل مش هتحرك خطوه لادام بل بالعكس هرجع خطوات لورا..
احييكي بشده على تحليلك المتميز و ارجو انك متعتبريش التحيه دي حاجه وحشه..:)
تحياتي

karakib يقول...

البعض يتعامل مع المدونين على أنهم جماعة أو حزب السياسى , مع أن الرائع فى التدوين الفردية التى لا تتحقق الا فى الجماعة , و ليست الجماعة التى يحقق بها الفرد فرديته
------------
الله ينور عليكي
هو ده الكلام
الفردية هي الميزة الاولي للتدوين
كل واحد يقول رأيه
بعيد عن رأي المجموع او معاه هو حر
اتفق معكي تماما

mostafa rayan يقول...

مبروك المدونة
ويارب ما تكوني مدمنة تدوين لأن بجد ادمان التدوين دة شيئ مش حلو خالص
هيضيع وقتك جامد غيركمان اضرار كثرة الجلسة امام الكمبيوتر
بصي اناعايز اقولك بخصوص نقطة ذكر الأشياء الخاصة ان المدونة عند ناس كتير هي تنفيث عما بداخله من اشياء
ممكن تكون محبطة وحزينة علشان كدة هو بيتكلم عن نفسه فيها
وبيذكر اشيائه الخاصة
تحياتي لك ودمت بخير

EmY يقول...

ربنا يخليكي
تسلم ايدك
ربنا يديكي الصحه و مايحرمناش منك

ايه ده انتي بقالك شهر بس لااا انتي كده تقوليلي يا طنت ايمي انا بقالي سنه و كام شهر يعني تحترميني انا خبره يا بنتي

يارب تكملي 25 سنه تدوين و بعدين تاخدي البرائه

نا معاكي في ملاحظاتك احيانا التعليقات بتكون يا حد مش لاقي حاجه يقولها بس قال اهو جيت اسيب كلمتين بس احيانا بيكون في مواضيع التعليق عليها بكلمه انها كويسه كفايه
بس دايما النقاش و الحوار احلي و احسن

انا مش بحب البلوج الي كل يوم الاقي 100 بوست بحس اني تايهه

تحياتي يا قمر

سارة نجاتى يقول...

ازيك يا برنس ؟

تصدق أن نفس الموضوع لفت نظرى , حكاية الناس اللى أول ما تعمل مدونة تلاقى عندها 300 تعليق .و فعلا هو صعب تقول رأيك بصراحة من غير ما ده يزعل و ده ينتقم .

و حوار المدونة معنديش أى مشكلة ندوس فيه يا معلم , و مش لازم تبقى مدونة ممكن نطلع بأى فكرة تتضمن نفس المبدأ.
ع الفكرة حاولت اوضح لك رأيي لما سألتنى تانى , بس امبارح ماكنتش عارفه أحط أى تعليقات كان فى عندى حاجة مش مظبوطة .

أنا سعيدة بتفاعلك , و تحيتك على راسى, أنت فاركنى ح أقولك " و كمان بتقولى صباح الخير " هههههههه

سارة نجاتى يقول...

كراكيب , سعيدة بيك فى زيارتك الأولى , المشكلة فعلا أن بعض الناس بتتعامل معانا بمبدأ " كبشة مدونين " مش كفرد .
تحياتى يا باشا

سارة نجاتى يقول...

مصطفى ,أنت برده أول زيارة و منورنى

عندك حق فى موضوع أضرار ادمان التدوين , بيسرق فعلا وقت كبير أوى .

أما بخصوص التنفيس عن النفس ده صحيح , طب ما أنا نفست عن نفسى فى البوست اللى فات لكن لازم أعمل حساب أن فى غيرى بيقرأها و غيرى ده مش مضطر أنه يدخل كل مرة يكتئب و يطلع , تصدق يا مصطفى أن أنا بعد م أقوم من الكمبيوتر بعد تصفح المدونات , ببقى مكتئبة جدا , لدرجة أنى لو بطلت أدون , ح يبقى غالبا ده السبب.


سلام ليك

سارة نجاتى يقول...

بالظبط كده با ايمى , و أنا للأسف علقت أكتر من مرة كأنى ده دورى أنى أعلق , بغض النظر عن تفاعلى مع الموضوع .

ايه أخبار وردة معاكى ؟

elsha3er يقول...

برافو عليكى يا سارة تحليل جامد والبوست رائع هم على طول الاسكندرانية يكتبو حاجات متميزة

مش انتى برده اسكندرنية صح كدة


احمد الشاعر

Zika يقول...

اولا بعتذرلك عن عدم متابعتي لمدنوتك
وبعتذرلك اذا دخلتي مدونتي في يوم ومالاقيتيش فيها جديد
نظرا لظروف الشغل
المهم بقي
بالنسبه لموضوع المجاملات انا ليا في راي متواضع
ماعرفش ليه ساعات بحس ان في مدونين نفسهم تختلفي معاهم
بمعني
انه بيرد علي التعليقات المختلفه معاه بطريقة .. الحمد لله .. وانت عامل ايه ؟
اقصد يعني ان في تجاوب
اما لو حصل لا قدر الله واتفقتي معاه يبقي نهارك مش فايت ويمكن ما يدخلش عندك تاني
والعكس صحيح وموجود بارضه
بختلف معاكي في نقطة كمان اللي هي حته ان " الرحمه حلوه "
انا مثلا
معظم تدويناتي بتتكلم عن مواضيع جاده بس بحاول اخللي الموضوع ( تهييس) هلي قد ما اقدر وده عشان حدة الموضوع ماتزيدش شويه
يعني ( مش مهم المواضيع بتتكلم عن ايه او بتتكتب عن ايه لكن المهم بتتكتب ازاي )
عندك مثلا مدونة " جبهة التهييس الشعبيه "
وصاحبتها علي ما اعتقد اسمها نواره
المهم يعني نوارة دي بتتكلم دايما في مواضيع قابلة للاشتعال بس بتكتب المواضيع بطريقه ممتعه جدا ودمها خفيف جدا توصل اللي هي عايزه تقوله من غير ما تصدم اللي بيقرا
واضح اني رغيت كتير
بس انا كده واسالي عني احب الرغي زي عينيا
سلام

micheal يقول...

تقريبا نفس إنطباعتي لما بدأت في نوفمبر 2006 بس مع الفرق ان عدد المدونات لم يكن بهذا الكم الكبير
:)
تحياتي وسعيد أني تعرفت عليكي من التدوين
وبلاش تسلم ايديكي دي
تحياتي

سارة نجاتى يقول...

شكرا يا شاعر

طبعا اسكندرانية , و دولا أجدع ناس و أنا بقى متعصبة فى دى بذات , و أنا عارفة أنى مش كاتبة حاجة فى البروفايل بس ده عشان لا أعطى انطباعات مسبقة مع بداياتى فى التدوين

أما بخصوص البوست , فشكرا على رأيك بس أنت يا شاعر اكتر واحد قرأت عنده تعليقات من نوعية " تسلم ايديك " و " الله ما يحرمنا منك " , لو مقتنع بكلامى حاول تنوه عنه فى مدونتك أنت كمان .

زيارة مشكورة يا عم أحمد

سارة نجاتى يقول...

زيكا باشا

ده موجود و أنا لا أنفيه , لكن التفاعل مطلوب من الطرفين , و فعلا مينقعش تختلف مع واحد , يقوم هو مطنش , أو تتفق معاه فيتغاظ .

ليه بس مختلف على أن رحمه حلوة , ده أنت شكلك مفترى . ههههههه

فى مدونات شغلتها التأوه و التأسى , و أنا مقدرة أن دى مشاعر انسانية , و كلنا بنمر بيها , بس اما الواحد يحاول -زى ما بتقول - يصوغها بطريقة المصرى الشهيرة بسخرية من نفسه و ده يقلل من حدة الأمر , أو يتأسى و يزعل زى ما هو عايز بس مرة كده و مرة كده , و لا هو حرام علينا يشاركنا موقف أو مشاعر كويسة عاشها , تصدق يا زيكا و الله أنا المدونات جابت لى اكتئاب , نفسى تشوفنى و أنا قايمة من ع الكمبيوتر بعد قعدة تدوينية .

أما عن الرغى , ارغى , هو احنا دافعين فيه ؟؟

تحياتى ليك و بذوق بالعافية ح تتابع المدونة , أهو بلطجة بقه .

سارة نجاتى يقول...

شوفت بقه نفس الدماغ البايظة ازاى ؟؟ ههههه

و الله يا مايكل الواحد بيلمس فى كتابات الناس الأشخاص القريبين منه , بيبان فى جملهم و مواضيعهم , أنا كمان حقيقى سعيدة بمعرفتك .

و "تسلم ايديكى" دى لما أدخل عليك بحلة ورق عنب .

سلام يا باشا

~*§¦§ Appy §¦§*~ يقول...

عندك حق يا ساره وفيه الاسوء برافو عليكي انك اخدتي بالك بس فيه ناس اصحاب والحوار او الناقش بينهم ساعات بيكون على الطبيعه فوجودهم فى البوستات باي كلمه او تعليق عادي بيكون نتيجه انهم اتكلموا مع بعض

طالب ثانوى يقول...

كلام جميل ياسارة بالذات فى جزء ادمان التدوين وفردية التدوين

محمد الكومي يقول...

كل حاجة في اولها بتبقى مبهرة شوية يا سارة او بنشوفها كبيرة لما نقرب منها اوي انما لما بنحطها على بعدها المزبوط من حياتنا بتتعدل الصورة بس بيتهيئلنا اننا كنا شايفينها كبيرة

بالتوفيق

سارة نجاتى يقول...

كلامك صح يا أبى

لكن فى موضوع "غاندى" مثلا و اللى اتناقشنا فيه كتير أنا و الشاعر , و هو اسكندرانى زييى , دخل ناس على مدونته , كتبوا له تعليقات من نفس النوعية دى من محافظات مختلفة , يعنى مش وارد يكون فيه تفاعل بره المدونة .
و الغريب أنهم ~ألحقوا التعليقات دى بأنهم ميعرفوش أى حاجة عن غاندى , يعنى منين انت مع مهاجمته و منين لم تقرأ عنه ؟؟

و منورانى يا جميلة

سارة نجاتى يقول...

شكرا على زيارتك يا سيادة الطالب " الا ح تعمل ايه فى اسمك بعد ما تخلص ثانوية عامة ؟" , و لفت نظر عنوان " فى انتظار جوتو " و ان شاء الله ح أدخل على مدونتك أشوفه

سارة نجاتى يقول...

محمد
أنت تقريبا كان فى حاجة تانية شغالة فى دماغك و أنت بتعلق , لكن تفتكر أنا شفت التدوين ببعده الصحيح فعلا ؟أتمنى

منورنى كالعادة

محمد الكومي يقول...

لا يا سارة
بس اقصد ان في ناس بتخش عالتدوين بقلب جامد و بيستنوا ان يكون ليه اثر كبير في حين انه حاجة شخصية بنطلعها للناس

يعني برضه تاثيره شخصي في محيط المدونين

و اللي كتبته قصدته بمعنى ان التدوين اتقلب تهريج و مجاملة و تفاهة في الكتابة و انعدام للمضمون و الرؤية

زمان كان في بعض التعليقات بوستات في حد ذاتها

دلوقتي كل اللي بيعلق بيحسسك ان المكتوب ده حاجة كدة تحرر القدس في ثانية مثلا

ده اللي قصدته

المبالغات و المجاملات

ارجو تكون وضحت يا سارة

و طبعا اتمنى لك تشوفي التدوين من منظوره الصحيح اللي هو منظورك الشخصي زي مانتي شايفاه و اللي يعجبك اكتبيه و اللي ما يعجبكيش ارفي عنه نظر


تحياتي

محمد الكومي يقول...

مين قال اني قفشت

elsha3er يقول...

والله انا مقتنع لكن انا ما احبش ازعل حد منى بعدين انا بما انى بكتب شعر فلازم يعنى يبقى فى تعليقات من تسلم ايديك وكدة كناية يعنى على ان ايدى هى السبب فى شعرى فا عشان كدة ما قدرش اقول عن الحكاية دى


منتظر جديدك

احمد الشاعر

غير معرف يقول...

Sorry my computer is not ok, this is a good one but you know what I want, dont stop blogging , but do every thing in the world.
Ala ynowar wa teslam edeen elly katab,
lol..
Magdy

غير معرف يقول...

Sorry my computer is not ok, this is a good one but you know what I want, dont stop blogging , but do every thing in the world.
Ala ynowar wa teslam edeen elly katab,
lol..
Magdy

اول برنامج أذاعى عن النت فى الشرق الأوسط يقول...

الأخت العزيزه صاحبة المدونه
سعدنا فعلا باكتشاف مدونتك التى تنم على عقل مفكر وصاحب راى صائب وموقف خاص متفرد ولذلك نوجه لك هذه الدعوه
دعوه
يسعدنا ان نسمع تعليقاتكم على ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب باى تدوينه يمكن اذاعتهاكذلك
المدونه
http://netonradio.blogspot.com

kiki يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品